Аляксандр Мінёнак прыняў удзел у дабрачынным канцэрце "Насустрач жыццю"

Cёння Аляксандр Мінёнак прыняў удзел у дабрачынным канцэрце "Насустрач жыццю". На сцэне Віцебскай абласной філармоніі прадстаўнік Беларусі на дзіцячым "Еўрабачанні" выканаў тры песні. Усе сабраныя грошы пойдуць на лячэнне чатырохгадовай Жэні Батурэвіч. У дзяўчынкі саркома Юінга правай лоннай косці. Трохгадзінны песенны марафон прайшоў з поўным аншлагам. Падтрымалі дабрачынны канцэрт і артысты-пачаткоўцы віцебскага моладзевага тэатра "Школа зорак".