Сёння адзін з тых дзён у годзе, калі мы збіраемся ў доме з блізкімі людзьмі, калі гучаць самыя цёплыя і шчырыя пажаданні здароўя, дабрабыту і міру. З Нараджэннем Хрыстовым віншуюць адно аднаго праваслаўныя хрысціяне!
Радасць гэтага светлага свята разам з вернікамі падзяліў кіраўнік беларускай дзяржавы. Гэта нязменная традыцыя ў графіку Прэзідэнта. Аляксандр Лукашэнка наведаў новы праваслаўны храм пад Мінскам - у невялікім аграгарадку Шаршуны. Храм расчыніў дзверы для вернікаў крыху больш як тры гады таму.
Дзень аказаўся светлым ва ўсіх сэнсах. Зіма, нарэшце, падарыла нам усім сонечнае і яснае надвор'е. Аляксандр Лукашэнка разам з малодшым сынам Мікалаем запаліў свечку, выступіў з прамовай - і датычылася яна не толькі свята. Важна адзначыць, што ў такіх невялікіх мястэчках храм становіцца не проста цэнтрам духоўнасці, але і грамадскага жыцця, куды можна прыйсці па малітву і дапамогу. Ілона Красуцкая расказала, як праходзіла мерапрыемства ў Шаршунах. Падрабязнасці ў відэа.
Аляксандр Лукашэнка разам з малодшым сынам Мікалаем запаліў свечку на свята Нараджэння Хрыстовага
7 января 2024
