А гэта значыць, што "шэнген" для беларусаў можа стаць больш даступным. Афіцыйныя Мінск і Брусель максімальна блізкія да падпісання адпаведных дакументаў. Пакуль чакаем сігналу ад нашых еўрапейскіх партнёраў аб завяршэнні неабходных працэдур з іх боку, пасля чаго вызначыцца канкрэтная працэдура падпісання пагадненняў.
Такім чынам, калі пагадненні будуць парафіраваны з двух бакоў (нагадаем, беларускі ад імя Кіраўніка дзяржавы ўжо заявіў аб такой гатоўнасці), шэнгенскія візы патаннеюць амаль удвая. У адваротным выпадку ўжо 2 лютага 2020 года ўступіць у сілу новы візавы кодэкс Еўрасаюза, згодна з правіламі якога адзнакі ў пашпарце для беларусаў наадварот падаражэюць да 80 еўра.
У МЗС гавораць аб няпростым рашэнні для нашай краіны. Перамовы вядуцца з 2014 года. На адной чашы вагаў інтарэсы простых грамадзян, на другой - пытанні рэадмісіі, бяспекі межаў. Інтарэс дзяржаўны, і зразумела, што Беларусь адстойвала для сябе пераходны перыяд. Што ж, баланс інтарэсаў захавалі. Вядома, шмат нюансаў, але акрамя таго, што спрашчэнне візавага рэжыму - гэта ў першую чаргу гуманітарнае рашэнне, яно шмат у чым мае палітычную падставу, пабудаванае на ўзаемных кампрамісах.
Зрэшты, гэта пакінем палітыкам і паспрабуем зірнуць з грамадзянскага пункта погляду і, калі хочаце, пазіцыі абывацеля.
Галоўным аргументам тут будуць лічбы і факты, што гавораць самі за сябе. Пра іх наш эканамічны аглядальнік Андрэй Лапцёнак (відэа).
