Чырвоны Крыж у барацьбе з пандэміяй
Старшыні ўсе на месцы - 18 раёнаў працуе. Атрымліваем 10 тыс. касцюмаў ахоўных, таму падзелімся. Пагадненні складзеныя са 141 валанцёрам. 20 камплектаў ахоўных накідак - халатаў, 15 рэспіратараў для Шаркаўшчынскай ЦРБ, Дубровіцкай ЦРБ.З такой пераклічкі пачынаецца дзень Беларускага Таварыства Чырвонага Крыжа. Падчас пандэміі дастаўляюць прадукты харчавання, прадметы першай неабходнасці, лекавыя сродкі, набытыя на ахвяраванні неабыякавых.
Соф'я Ярох, сястра Беларускага Таварыства Чырвонага Крыжа: "І ў суботу прыходзіш, таму што просяць, таму што трэба. Я ўжо прывыкла, спрацавалася".
Соф'я Іванаўна, нягледзячы на тое што сама ўжо амаль 20 гадоў пенсіянерка, медсястра са стажам і не можа спыніцца дапамагаць. Сёння ў Беларусі 830 000 самотных людзей. Найболей уразлівыя тыя, хто страціў сямейныя сувязі: іх больш за 100 000. У службе паўтары сотні сясцёр міласэрнасці - усе спецыялісты з медадукацыяй. Сваё прызванне знайшла ў дапамозе тым, хто мае ў ёй патрэбу, і Таццяна Сязанава. Пасля 16 гадоў па-за медыцынай вярнулася ў прафесію свядома.
Таццяна Сязанава, сястра Беларускага Таварыства Чырвонага Крыжа: "Гэта было пытанне сэнсу жыцця. Жаданне аддаваць, дапамагаць. Ты жывеш, каб пакінуць след на зямлі".
Месяц таму колькасць падапечных павялічылася: дома застаюцца кантакты першага-другога ўзроўню і асобы з лёгкімі прыкметамі COVID-інфекцыі - у іх таксама ёсць запыт на дапамогу.
Дапамога медыкам
Вольга Мычко, генеральны сакратар Беларускага Таварыства Чырвонага Крыжа: "Запыты ідуць на дапамогу нашым медыцынскім работнікам у забеспячэнні прадуктамі харчавання. Злучаем асоб, якія могуць: рэстаранны бізнес, сталовыя або проста фізасобы, якія хочуць быць карыснымі. У сродках абароны, ідзе шмат запытаў па забеспячэнні вадой бутыляванай, зноў жа тара павінна быць індывідуальная".Беларускаму Таварыству Чырвонага Крыжа - 100 гадоў
Італьянская вёсачка Сальферына ў 1859 годзе ўвайшла ў гісторыю не толькі як поле бою аўстра-італа-французскіх войскаў, але і як поле, дзе ўзышло зерне Чырвонага Крыжа.Выпадковым сведкам бітвы аказаўся швейцарскі бізнесмен і пісьменнік Анры Дзюнан. Яго ўзрушылі карціны кровапраліцця і чалавечых пакут. Тут жа ў мясцовай царкве ён адкрывае шпіталь, каб хоць неяк дапамагчы параненым. Гуманітарная місія набыла міжнародны маштаб - у наступным годзе Беларускаму Чырвонаму Крыжу споўніцца 100 гадоў.
Ад дапамогі пажылым да прадухілення надзвычайных сітуацый
У залежнасці ад краіны мяняюцца і задачы. У Беларусі падтрымліваюць самотных, рэагуюць на надзвычайныя сітуацыі - працуюць з МНС, аднаўляюць сямейныя сувязі, калі абарваліся праз узброеныя канфлікты, іміграцыю або прыродна-тэхнагенныя катастрофы.Ідаэль Герэра Менгана, спецыяліст па аднаўленні сямейных сувязяў і вышуку Беларускага Таварыства Чырвонага Крыжа: "Зараз пачасціліся запыты, калі ўнукі загінуўшых ад імя сваіх бацькоў звяртаюцца да нас, каб высветліць, што здарылася з іх роднымі, бо ім пра гэта часта распавядалі, але хтосьці не вырашаўся звяртацца, хтосьці не ведаў куды. Зараз нашчадкі бяруць справу ў свае рукі і спрабуюць давесці да канца".
Працуе інфалінія Чырвонага Крыжа
Віталь Тарашкевіч, начальнік аддзела па рэагаванні на НЗ і вышуку Беларускага Таварыства Чырвонага Крыжа: "Тут у нас знаходзіцца інфалінія Чырвонага Крыжа. Нумары 201, калі з мабільнага тэлефанаваць, і 122 - са стацыянарнага. Лінія была арганізаваная для людзей, якія шукаюць псіхасацыяльную падтрымку, для інфармавання і атрымання нейкіх паслуг".
Палова тых, хто тэлефануе, хочуць проста пагаварыць. Бо ў ізаляцыі знаходзіцца старэйшае пакаленне, для іх вельмі важна жывая мова і ўменне слухаць.
Дапамога бяздомным
Мы ўжо развозілі ў дом для асоб без вызначанага месца жыхарства раскладушкі, а сёння павязём антыбактэрыяльнае мыла.Гэты груз для дома начнога знаходжання. Там на сталай аснове зараз пражывае каля 100 чалавек. Ім таксама патрэбна дапамога, каб захаваць сваё здароўе і здароўе іншых.
