Новы тэлесезон на "Беларусь 1" стартуе з грандыёзнай прэм'еры. Шоу з сусветным імем Х-Factor уварвецца ў эфір першай кнопкі ўжо ў гэту суботу. Зорныя настаўнікі, цудоўныя таленты і эмоцыі, вартыя мурашак гледачоў. Усё, што раней было пакрыта эфірнай таямніцай, 9 кастрычніка не толькі ўбачым, але і пачуем.
4 кінапавільёны, тоны святла і абсталявання, сотні людзей і ўсяго 5 дзён на зборку сцэны. Шоу-кватэра Х-Factor размясцілася на квадратных метрах "Беларусьфільма". Тысячы галасістых удзельнікаў передкастынгаў з усёй краіны, але да запаветнай сцэны Х-падобнай формы дайшлі толькі тры сотні. Яны без права на дубль паспрабуюць дацягнуцца да мары. А прысуд вынесуць зорныя настаўнікі: Вольга Бузава, Сяргей Саседаў, Сярога і Руслан Аляхно.
Прэм'ера атрымаецца важкай. 9 кастрычніка Х-Factor пасуне эфірную сетку. Суботняя "Панарама" пачнецца ў 8 вечара. А ў 20:45 стартуе галоўнае талент-шоу восені. Першая серыя прадоўжыцца 2 гадзіны 50 хвілін.