Роўныя правы грамадзян Саюзнай дзяржавы і моладзевая палітыка стануць ключавымі ў працы 3-га Форуму рэгіёнаў Беларусі і Расіі. Ён адкрываецца ў Мінску 7 чэрвеня.
Сёлета прадстаўнікі рэгіёнаў дзвюх краін збяруцца адразу на некалькіх дыскусійных пляцоўках. У рамках Форуму пройдуць міжнародная выстава "Белагра", фестываль рэгіянальных каналаў, Дні Масквы ў Мінску. І калі папярэднія форумы былі прысвечаны сельскай гаспадарцы і прамысловасці, сёлета асаблівую ўвагу вырашана надаць роўным правам грамадзян у рамках Саюзнай дзяржавы і праблемам моладзі. Запланавана праца 9 секцый па гуманітарным супрацоўніцтве, медыцыне і адукацыі. Моцным будзе і эканамічны блок. Форум - традыцыйна добрая падстава для падпісання новых кантрактаў.
