У Нацыянальнай бібліятэцы Мінска некалькі гадзін таму адкрылася выстава "100 ідэй для СНД". Свае праекты (а гэта амаль сорак распрацовак) маладыя інаватары з шасці краін Садружнасці вынеслі на суд журы. На прэзентацыю ідэі - 5 хвілін, яшчэ 2 хвіліны даецца на адказы на пытанні. Сярод намінацый першага міжнароднага конкурсу "100 ідэй для СНД" - "Хімічныя тэхналогіі", "Ахова здароўя", "Медыцына", "Гасціннасць", Культура" і "IT". Вынікі конкурсу падвядуць ужо заўтра.
Міхаіл Жураўкоў, Міністр адукацыі Беларусі: "Сёння прапанаваныя праекты - як раз яркі прыклад таму, як моладзь актыўна ўдзельнічае ў рэалізацыі такіх важных ідэй, кірункаў для сваіх уласных краін і ў цэлым краін СНД па новых інавацыйных праектах".
А гэтымі хвілінамі ў Нацыянальнай бібліятэцы вынікі працы за апошнія два гады падводзіць Савет па справах моладзі дзяржаў - удзельнікаў СНД. Прадстаўнікі краін Садружнасці абмеркавалі таксама развіццё моладзевага прадпрымальніцтва і праект Канцэпцыі дабраахвотніцкага руху ў СНД.
