Народны артыст Расіі, знакаміты акцёр тэатра і кіно Алег Меньшыкаў сёння і заўтра ў Мінску дасць свой першы монаспектакль "1900". Выканавец роляў у карцінах "Сібірскі цырульнік", "Стомленыя сонцам", "Залатое цяля" і "Легенда нумар 17", тройчы лаўрэат Дзяржпрэміі Расіі працуе з самымі знакамітымі рэжысёрамі. У монаспектаклі Алег Меньшыкаў выступае не толькі ў ролі акцёра, але і рэжысёра. Крытыкі назвалі гэту пастаноўку адной з лепшых у творчай біяграфіі артыста. Алег Меньшыкаў прыбыў у сталіцу напярэдадні і пасяліўся ў адной з сталічных гасцініц.
У аснову спектакля "1900" легла гісторыя чалавека, які пражыў усё жыццё на акіянскім лайнеры і потым стаў геніяльным піяністам. У спектаклі - арыгінальная дэкарацыя, яркая сцэнаграфія, харэаграфія ад Ягора Дружыніна і музыка ў жывым выкананні. Дарэчы, сёлета артыст адзначыў свой юбілей.
