Старажытны промысел лозапляцення адраджаюць у Любанскім раёне. Пры Доме культуры вёскі Камуна працуе аматарскі гурток "Лапаточкі". Кіраўнік Васіль Яскевіч сам стварае аўтэнтычны абутак і навучае рукадзеллю мясцовых юнакоў. Дзяўчатам у аб'яднанні таксама рады, але папярэджваюць: рамяство патрабуе фізічнай сілы.
У Камуне плятуць розныя віды лапцей. Самыя папулярныя - мясцовыя, палескія, пад назвай "відучыя". Іх асаблівасць у максімальнай адкрытасці абутку.
