Беларускія танцоры пакараюць міжнародную сцэну і трапляюць у аб'ектывы тэлекамер папулярных тэлепраектаў. На постсавецкай прасторы існуе некалькі такіх шоу, аднак менавіта ва Украіне праходзіць ужо восьмы сезон шоу "Танцуюць усе!".
З універсальнымі танцорамі сустрэўся Андрэй Казлоў.
Вось з такой кароткай візітоўкі нашы танцоры пачынаюць свой шлях на разнастайных танцавальных тэлепраектах, а потым выходзяць на сцэну і наладжваюць сапраўднае шоу.
Сёлета адразу некалькіх беларусаў трапілі ў фінал папулярнага ўкраінскага тэлепраекта "Танцуюць усе!", першага на постсавецкай прасторы, які ідзе ўжо 8-мы сезон.
Ілля Чыжык вырашыў зрабіць акцэнт на беларускіх народных танцах, і не пралічыўся. Бо ў кожнага на такім праекце павінна быць свая фішка.
А каб прыйсці да сваёй мары, то, часам, варта адслужыць у арміі. Як гэта зрабіў яшчэ адзін наш фіналіст Станіслаў Турмовіч з Мазыра.
Кожны танцор разумее, што пакуль ты адпачываеш - твой сапернік становіцца мацнейшым. Стас Турмовіч падчас здымак праводзіў у танцавальнай зале па 9 гадзін. Зараз толькі на гадзіну менш.
Для Алены Падольскай самым вялікім выпрабаваннем на праекце стаў танец на пілоне - увага - пад вадой.
Прыйшлося пераступіць праз сябе, бо дзяўчына плаваць не ўмее.
Наогул, на такіх праектах танцоры павінны быць універсальнымі. Гэта значыць па магчымасці валодаць асновамі класічнага танца, разумець, што такое брэйк-данс, хіп-хоп, мадэрн і іншыя сучасныя танцавальныя стылі.
І нават гэта не ўсё. Быць добрым танцорам - мала, важна быць індывідуальнасцю. Універсалізм складаецца ў падачы сябе як артыста і ва ўласнай харызме. А ў нашых яе хоць адбаўляй.
Прамыя эфіры тэлепраекта пачнуцца ў снежні. А пакуль нашы танцоры працягваюць адточваць майстэрства ў залах Беларусі. Паўторымся: "Пакуль ты адпачываеш, твой сапернік становіцца мацнейшым".
