Энергетычная бяспека жыхароў Касцюковічаў хутка будзе вырашана - тут будуецца новая цэнтральная кацельня. Магілёўскія хірургі тэсціруюць новае сучаснае абсталяванне для аперацый на вачах. А школы рэгіёна далучыліся да дзяржаўнай праграмы "Здаровы клас - здаровая школа". Пра знакавыя падзеі з усходу нашай краіны - у наступным дайджэсце.
Расказвае Андрэй Ястрабаў: Маштабнае будаўніцтва ў Касцюковічах новай сучаснай кацельні, якая забяспечыць райцэнтр цяплом, а галоўнае, дазволіць значна скараціць страты на яго транспарціроўку. Зараз яны складаюць амаль 20% - бо старая кацельня знаходзіцца ў прамысловай зоне цэментнага завода, а гэта ажно пяць кіламетраў ад горада. Тры газавыя катлы будуць працаваць на новай кацельні, плюс электрычны - для гарачай вады летам. Запуск запланаваны напрыканцы красавіка.
Навучальныя установы Магілёўскай вобласці далучыліся да дзяржаўнага праекта "Здаровы клас - здаровая школа". Калі замест настаўнікаў выкладаюць урачы. Галоўная мэта асаблівых заняткаў - прывіць зацікаўленасць да здаровага ладу жыцця. Школьнікаў вучаць, напрыклад, як правільна сядзець за партай, дзе павінны ляжаць падручнік, каб не нашкодзіць постаці. Да праекта далучыліся бацькі і педагогі.
Магілёўскія хірургі тым часам асвойваюць новае абсталяванне для аперацый на вачах. Яно дазволіць аказваць медыцынскую, асабліва хуткую дапамогу, больш якасна. Урачы змогуць дабрацца за хрусталік. Раней пацыенты дзеля гэтага накіроўвалі ў Мінск, альбо Гомель. Цяпер такія аперацыі сталі магчымы дома. Бальнічны скарачаецца на два тыдні. І чалавек хутчэй вяртаецца да працы.
Да 30-годдзя вываду савецкіх войскаў з Афганістана прымеркавана выстава Магілёўскага абласнога краязнаўчага музея. Экспазіцыя аб’яднала фотаздымкі, уласныя рэчы, амуніцыю, узоры медалёў. І пісьма, якія слалі воіны родным. Ёсць і ўнікальны ліст, які атрымала ад камандавання ў ліпені 88-га маці Героя Савецкага Саюза Андрэя Мельнікава. Рарытэты прапанавалі Беларускі саюз ветэранаў вайны, Шклоўскі раённы музей, каледж імя Арлоўскага і Віцебскі музей воінаў-інтэрнацыяналістаў. Выстава будзе працаваць да красавіка.
