Мінская вобласць пачала рэалізацыю аднаго з найбуйнейшых праектаў у Беларусі ў сферы аграпрамысловага комплексу. У Пухавіцкім раёне пабудуюць заводы па вытворчасці амінакіслот, а таксама кармоў і кармавых дабавак. Агульны аб'ём інвестыцый - больш за 700 мільёнаў долараў. Большую частку з іх выдзеліць Кітай. Тут з'явіцца самае маштабнае ў краіне збожжасховішча. Яго аб'ём амаль паўмільёна тон. У планах адпраўляць на экспарт больш за палову прадукцыі, якая будзе выпускацца на заводах комплексу.
На экспарт сваёй прадукцыі ў Кітай скіраваны і прадпрыемствы харчовай галіны з Мар'інай Горкі. Гэта кампаніі па выпуску марожанага і чыпсаў.
