На спаборніцтвы з’ехаліся 23 каманды з усіх раёнаў. Людзі самых розных прафесій, ад настаўнікаў да электрыкаў, дэманстравалі здольнасці і даказалі: на прадпрыемствах ёсць каманды, на якіх можна спадзявацца ў любой сітуацыі.
За спартыўнай барацьбой назірала наш магілёўскі карэспандэнт Крысціна Каранкевіч. Заўвага невялікая, каманда са Слаўгарада працягвае выконваць задачу. На хімічным этапе яна не з лёгкіх. У пацярпелага - камбінаванае пашкоджанне. Трэба вызначыць характар траўм, аказаць дапамогу, правесці дэзактывацыю, вынесці з ачага і апошняе – пагрузка ў транспарт. Хоць і на насілках, але не кожны дзень сціплым дзяўчатам прыходзіцца пераносіць дарослага мужчыну.
Каманда з Крычава – лідар мінулых спаборніцтваў. Моцны касцяк дружыны на цэментным заводзе ўжо не першае дзесяцігоддзе. Курс трымаюць на перамогу і зараз.
Такія спаборніцтвы, гавораць арганізатары, не проста спорт. Галоўнае - хутка адрэагаваць у выпадку нестандартнай сітуацыі.
Пажарныя дружыны спаборнічаюць па суседстве: змагаюцца ў пераадоленні паласы перашкод, а яшчэ ў эстафеце. Менавіта тут самы відовішчны момант і напружанне барацьбы.
Саперніку пашчасціла менш. Ён не апусціў забрала. Аднак у свае 53 гады настаўнік фізкультуры з 3-й Крычаўскай школы не засмучаецца. У такім узросце быць у пажарным спорце - ужо дасягненне. Моладзі, дарэчы, раіць не адставаць.
Пераможцы абласнога этапу прадставяць вобласць на рэспубліканскіх спаборніцтвах.
Сярод санітарных дружын сёлета лепшы вынік паказала каманда з Магілёва. Першымі ў пажарным спорце сталі бабруйчане. Удзельнікі нездарма ўзмоцнена трэніраваліся, і, як паказалі спаборніцтвы, гатовыя да любых складанасцяў.
