Незалежнасць гатовы абвясціць парламент аўтаноміі. У пятніцу ўлады рэгіёна апублікавалі афіцыйныя вынікі рэферэндуму, які прайшоў тыдзень таму. За выхад са складу каралеўства прагаласавалі крыху больш за 90 % грамадзян, якія прыйшлі на ўчасткі, - гэта два з невялікім мільёны чалавек. Усяго ж у рэгіёне жыве больш за пяць мільёнаў людзей, якія валодаюць правам голасу.
Заўтра ў Барселоне адбудзецца пасяджэнне рэгіянальнага парламента, падчас якога і будзе прынята рашэнне аб абвяшчэнні суверэнітэту. Пры гэтым Канстытуцыйны суд Іспаніі забараніў дэпутатам збірацца на сесію. Але спробы іспанскай паліцыі жорстка спыніць волевыяўленне толькі надалі народным выбраннікам рашучасці.
Як будуць развівацца падзеі ў рэгіёне, прадказаць складана. У Бруселі, да прыкладу, прызналі права каталонцаў на самавызначэнне, але адзначылі, што ў склад ЕС рэгіён не ўвойдзе. Ды і ў самой Каталоніі, нягледзячы на вынікі плебісцыту, застаецца шмат прыхільнікаў адзінай Іспаніі, якія лічаць, што ўлады супольнасці зайшлі занадта далёка ў спробах паказаць Мадрыду сваю значнасць.
Сёння ў Барселоне прайшла масавая акцыя праціўнікаў аддзялення. Людзі неслі плакаты з лозунгамі "Спыніцеся ў імя разумнага сэнсу!"
