Сход МВФ і Сусветнага банка. Вынікі

На тыдні ў Вашынгтон, дзе праходзіў штогадовы сход МВФ і Сусветнага банка, адправілася прадстаўнічая беларуская дэлегацыя. У яе ўвайшлі першы віцэ-прэм'ер Васіль Мацюшэўскі, кіраўнік Нацбанка Павел Калаўр, першыя намеснікі эканамічных міністэрстваў. Праграма больш чым насычаная: пасяджэнне, перамовы з віцэ-прэзідэнтам Сусветнага банка, сустрэчы з інвестарамі. Бакі дамовіліся прадоўжыць узаемадзеянне па ацэнцы эканамічнай сітуацыі і па падрыхтоўцы новай крэдытнай праграмы МВФ для Беларусі, а Сусветны банк у сваю чаргу прадоўжыць шырокую кансультатыўную праграму.