Зразумела, што любыя выбары мы праводзім, першым чынам, для сябе, і апошняе слова тут заўсёды за беларускім выбаршчыкам, але ні для каго не сакрэт, што любая наша выбарчая кампанія разглядаецца на Захадзе пад павелічальным шклом і, як правіла, суправаджаецца ці то чаканнямі, ці то патрабаваннямі. Вось і сёлетнюю кампанію ўвязваюць з далейшай нармалізацыяй адносін Беларусь-Захад як палітыцы ў Еўропе, так і ў ЗША.
Дарэчы, аб ЗША. Кіраўнік амерыканскай дыпламатыі ў нашай краіне пакідае Беларусь пасля завяршэння дыпламатычнай місіі і на вельмі добрай ноце. Скот Роланд завяршыў сваю дыпламатычную місію ў нашай краіне. Беларуска-амерыканскай дыпламатыі ўжо чвэрць стагоддзя. Аднак менавіта апошнім часам азначылася пазітыўная дынаміка ў адносінах паміж дзяржавамі. Краіны супрацоўнічаюць па пытаннях захавання глабальнай і рэгіянальнай бяспекі. ЗША - адзін з вядучых інвестараў у беларускую эканоміку. Паводле традыцыі высокі дыпламат, які пакідае краіну, сустрэўся з Прэзідэнтам. Аляксандр Лукашэнка заявіў аб тым, што Беларусь жадае нармалізацыі адносін з ЗША на ўзаемавыгадных умовах. Паводле слоў амерыканскага дыпламата, Белы дом і далей гатовы супрацоўнічаць з Беларуссю.
На тыдні Кіраўнік беларускай дзяржавы сустрэўся і з паслом Літвы. Эвалдас Ігнатавічус таксама завяршыў сваю дыпламатычную місію ў Беларусі. Тры гады дыпламат кіраваў пасольствам у Мінску. Літва - блізкая для нас рэспубліка ў Еўропе. Гэта краіна ўваходзіць у дзясятку вядучых партнёраў у гандлі. За мінулы год агульны тавараабарот перавысіў мільярд долараў. Знаходзячыся ў Еўрасаюзе, Літва займала ўзважаную пазіцыю ў адносінах да нашай краіны, выконваючы прыкметную ролю ў збліжэнні Беларусі з ЕС.
