У аўторак у Мінску адбылася чарговая сустрэча кантактнай групы па ўрэгуляванні крызісу ва Украіне. Ёсць станоўчыя крокі, але іх мала. Пра гэта заявіла журналістам спецпрадстаўнік АБСЕ Хайдзі Тальявіні. Яна прыняла ўдзел у перамовах, нягледзячы на тое, што раней паведамлялася, што Тальявіні падае ў адстаўку. Прайшлі таксама сустрэчы рабочых падгруп. Практычна вырашана пытанне адводу ўзбраення калібрам менш за 100 міліметраў у зоне канфлікту.
Адразу пасля сустрэчы ў складзе кантактнай групы Леанід Кучма адказаў на нашы пытанні. Апошнім часам экс-прэзідэнт Украіны інтэрв'ю дае вельмі рэдка, таму распытаць хацелася пра ўсё. Зрэшты, тэма крызісу на паўднёвым усходзе, безумоўна, аказалася цэнтральнай. З яе мы і пачалі. Такім чынам, на што здольная мінская пляцоўка, ці патрэбна Украіне федэралізацыя, што трэба, каб Масква і Кіеў аднавілі адносіны? Эксклюзіў "Галоўнага эфіру".
