Раздзяліць з народам Беларусі вялікае свята палічылі сваім доўгам шматлікія. Да майскіх урачыстасцяў быў прымеркаваны і візіт лідара КНР. Дзякуючы такім кантактам 2015-ы будзе ўпісаны ў гісторыю як год беларускай дыпламатыі, якая адзначыла сёлета сваё 95-годдзе.
Дарэчы, у беларускай дыпламатыі самага высокага ўзроўню ёсць зусім канкрэтнае вымярэнне. Борт № 1 сёлета быў у паветры 110 гадзін і налятаў 85 тысяч 950 кіламетраў. Гэта больш, чым два разы па экватары.
І яшчэ адна лічба. Толькі па выніках года можна сказаць, што ў нас у сябрах палова насельніцтва планеты.
Паўзямнога шара ў руках у Вольгі Макей. Адыходзячы год для рэпарцёраў стаў ураджайным на палітычныя падзеі. Але для дыпламатыі гэта больш чым архіўныя відэакасеты. Усё гэта і ёсць беларуская шматвектарнасць.
За 2015 год па візітах Прэзідэнта за мяжу і па колькасці замежных гасцей у Мінску можна не толькі вывучаць геаграфію, але і складаць рэйтынг рэкордаў. І тут без перабольшання можна сказаць - паціснулі руку палове свету.
Вось, напрыклад, Кітай, Індыя, Пакістан - краіны побач на карце, а ёмістасць рынку амаль 3 мільярды чалавек. І хай эксперты назавуць гэта "далёкай дугой" беларускай знешняй палітыкі, гэты год пакажа, нягледзячы на адлегласці, партнёрства - блізкае.
Вялікі Кітай. Формула адносін з Паднябеснай гучыць як усебаковае стратэгічнае партнёрства. Характар пацвярджае гістарычны дзяржаўны візіт старшыні КНР. За пратакольнымі фразамі хаваецца супрацоўніцтва ледзь ці не ва ўсіх сферах: прамысловасць - гэта дзясяткі гіганцкіх інвестпраектаў, тысячы новых рабочых месцаў і ўласны легкавы аўтапрам. Фінансы - гэта льготныя і камфортныя крэдыты. Эканоміка - тавараабарот за два дзесяцігоддзі павялічыўся ў сто разоў. А парк "Вялікі камень" - індустрыяльны вузел Еўропы. Для Беларусі - гэта нацыянальны брэнд, для Кітая - платформа новага "Шаўковага шляху", для свету - узор эканомікі будучыні.
Другая пасля Кітая па колькасці насельніцтва краіна і першы ў суверэннай гісторыі Беларусі візіт. Індыя. Аляксандр Лукашэнка наведваў Дэлі двойчы, а вось да нас Пранаб Мукерджы прыязджае ўпершыню. Да гэтага ў Мінску індыйскае кіраўніцтва было толькі ў далёкім 85-м. Радзіма шахмат і адзіная краіна-субкантынент - Індыя сёння ставіць глабальныя мэты росту, дасягнуць якія немагчыма без надзейных партнёраў. Сярод іх Нью-Дэлі бачыць і Беларусь. А да 2020 года палітыкі вызначаюць амбіцыйную планку тавараабароту ў мільярд долараў.
Такую ж суму на будучыню акрэсліваюць Мінск і Ісламабад. Такім чынам, тавараабарот павялічыцца ў 15 разоў. Пра гэта Аляксандр Лукашэнка і Наваз Шарыф дамаўляюцца ў маі ў Пакістане. А вось візіт у адказ прэм'ер-міністра гэтай краіны ў Беларусь можна назваць рэкордным па хуткасці. На перамовы ў Мінск Наваз Шарыф прылятае ўсяго праз два з паловай месяцы.
Прыстаўкай "упершыню" ў беларускім палітычным календары адзначыліся і гэтыя дзве краіны. Візіт Аляксандра Лукашэнка ў Грузію стаў першым афіцыйным у гісторыі адносін дзвюх дзяржаў. А кіраўнік Сербіі стаў першым замежным прэзідэнтам, з якім беларускі лідар сустрэўся пасля інаўгурацыі.
Тбілісі і Батумі. Гэтыя два найбуйнейшыя грузінскія гарады ў такім складзе беларускую дэлегацыю прымаюць упершыню за два дзесяцігоддзі. Вынікам перамоў Аляксандра Лукашэнкі і Георгія Маргвелашвілі стане ўмова - патроіць тавараабарот да планкі ў 200 мільёнаў долараў. Каб дасягнуць такой адзнакі, патрэбна дапамога дыпламатаў, таму вырашана: на працягу года ў Грузіі з'явіцца беларускае пасольства.
А з гэтай балканскай краінай Беларусь звязваюць 2 дзесяцігоддзі сяброўства. Лістападаўскі візіт Томіслава Нікаліча праходзіць пад знакам міру. Сербскі лідар не толькі наведвае замкавы комплекс "Мір", але і дае старт узвядзенню "Мінск-Міру". Другая пасля атамнай станцыі самая грандыёзная будоўля ў Беларусі - так сёння журналісты называюць гэты праект.
У гэтых двух візітаў у канцы 2015 - таксама свой рэкорд. В'етнам і Туркменістан сталі самым далёкім падарожжам для борта № 1 у адыходзячым годзе. Увогуле больш за 15 тысяч кіламетраў шляху. А перамовы і сустрэчы нон-стоп доўжыліся амаль тыдзень.
В'етнам. Візіт у гэтую краіну значыцца з прыстаўкай "дзяржаўны" - гэта значыць найважнейшы. Маштабны і партфель кантрактаў - на 350 мільёнаў долараў. Па сутнасці, за пару дзён - больш чым гадавы тавараабарот. У кар'еры В'етнама трыумфальна вяртаюцца БелАЗы. Мінск і Ханой дамаўляюцца і пра зборку беларускіх грузавікоў і аўтобусаў з прыцэлам на рынак АСЕАН, а гэта паўмільярда чалавек.
А гэта ўжо Туркменістан. Тут Беларусь не толькі ўбачаць на сумесным кірмашы, але і пачуюць на міжнароднай канферэнцыі. Формулу прымірэння, прапанаваную Аляксандрам Лукашэнкам на маштабным форуме, падхопяць не толькі прэзідэнты іншых краін, але і шматлікія стужкі інфармагенцтваў па ўсёй планеце.
Расія. Для Мінска гэта не проста стратэгічны партнёр, а найбліжэйшы і важны саюзнік. За гэты год Аляксандр Лукашэнка суседнюю краіну наведвае чатыры разы: апроч двух снежаньскіх сустрэч у Маскве, гэта яшчэ беларускі кірмаш у Сочы і маштабныя саміты ва Уфе. У сталіцу Башкартастана беларуская дэлегацыя прыбывае як старшыня ЕАЭС, а вяртаецца ў Мінск яшчэ і ў статусе назіральніка Шанхайскай арганізацыі супрацоўніцтва. Акрамя таго, удзел у саміце БРІКС. Пяць краін. Пяць складальнікаў новага сусветнага цэнтра сілы. З усімі разам і з кожнай з іх Беларусь наладжвае трывалыя адносіны.
Вось так, без раздзяляльных ліній Беларусь сёння наладжвае свой трывалы палітычны шлях. Далёкая дуга, Лацінская Амерыка, Азія і Афрыка. А калі прыгледзецца яшчэ і да інтэграцый, без перабольшання ў сябрах - паўсвету. Гэта і ёсць беларуская шматвектарнасць. Такі трывалы геапалітычны фундамент - вынік не толькі 2015, але і двух дзесяцігоддзяў незалежнасці.
