Гэта Кіраўнік дзяржавы заявіў, заслухаўшы даклад па пытаннях развіцця гэтага віду спорту. Хакей на высокім узроўні абмяркоўваецца не ўпершыню. Гэтаму віду спорту ў нашай краіне надаецца вялікае значэнне, яго па-сапраўднаму любяць балельшчыкі.
Зараз у сусветным хакейным рэйтынгу Беларусь дзявятая. Па колькасці людзей, якія займаюцца хакеем, мы на 17-м месцы ў свеце. У краіне 35 крытых лядовых арэн. Дзяржава не шкадуе сродкаў на спорт нумар адзін і накіроўвае на развіццё хакея траціну ўсіх спартыўных грошай. Разам з тым стабільна добрым выступленнем ні вядучыя клубы краіны, ні зборная пахваліцца не могуць. У цэлым Прэзідэнт выказаў насцярожанасць у сувязі з сітуацыяй у беларускім хакеі.
На нарадзе ў Прэзідэнта прыняты шэраг канкрэтных рашэнняў, якія, напрыклад, вызначаюць мяжу зарплат хакеістаў Экстралігі, а таксама дазволяць узняць прэстыж прафесіі дзіцячага трэнера. Іншага шляху, акрамя як рыхтаваць кваліфікаваных гульцоў у Беларусі, для развіцця нацыянальнай зборнай няма.
Як запэўніў Ігар Рачкоўскі, наша краіна будзе ў судзе працягваць барацьбу ў пытанні аб неправамоцнасці прызнання беларусаў легіянерамі ў Адкрытым чэмпіянаце Расіі. Гэта супярэчыць нормам Саюзнай дзяржавы. Нагадаем, хакеісты нацыянальнага зборнай Беларусі пасля змянення рэгламенту спаборніцтваў у КХЛ засталіся без працы.
