Такім чынам, прадоўжым аналізаваць прамову Прэзідэнта на інаўгурацыі. Беларусь - добразычлівая краіна без якіх-небудзь фантастычных амбіцый. Пра міралюбнасць як нацыянальную рысу нашага народа Кіраўнік дзяржавы гаварыў менавіта ў Палацы Незалежнасці, які ўжо стаў сімвалам міру, "мінскага міру". Сёння наша краіна - адзін з нешматлікіх найбольш спакойных куткоў на планеце. Нездарма эксперты называюць Беларусь "донарам стабільнасці" ў рэгіёне. Аляксандр Лукашэнка падкрэслівае, што наша краіна ніколі не дастаўляла праблем сваім суседзям, так будзе і надалей. Дружалюбнасць у знешняй палітыцы - не толькі зарука нашага дабрабыту, але і абарона ад розных пагроз.
Гарантам бяспекі служыць добра ўкамплектаваная і падрыхтаваная армія. На працягу двух гадоў беларускія Узброеныя сілы павінны атрымаць сучасныя айчынныя ракетныя сістэмы залпавага агню. Такое даручэнне даў Прэзідэнт па выніках наведвання завода дакладнай электрамеханікі ў Дзяржынскім раёне. У шматпрофільным цэху прадпрыемства Кіраўнік дзяржавы азнаёміўся з ходам работ па лакалізацыі вытворчасці ракет. Тут жа Прэзідэнту далажылі пра выкананне яго даручэнняў па стварэнні ракетнай сістэмы залпавага агню далёкасцю 200 кіламетраў. Паводле слоў спецыялістаў, упершыню ў краіне створаны навукова-вытворчы комплекс ракетабудавання. Падчас наведвання завода Аляксандр Лукашэнка азнаёміўся таксама з тэхнікай ракет рэактыўнай сістэмы залпавага агню "Паланэз" і абсталяваннем для выпрабавання ракетных рухавікоў.
З беларускімі вайскоўцамі Аляксандр Лукашэнка сустрэўся і падчас інаўгурацыі на плошчы Дзяржаўнага флага. Абавязковы атрыбут уступлення на вышэйшую пасаду - гэта клятва вайскоўцаў у вернасці народу і Прэзідэнту. Да прадстаўнікоў усіх сілавых структур краіны Аляксандр Лукашэнка выйшаў у форме Галоўнакамандуючага. Прэзідэнт запэўніў, што будзе абараняць інтарэсы дзяржавы і яе тэрытарыяльную цэласнасць. Бяспечная будучыня Беларусі залежыць ад усіх нас і ні ад каго іншага. Толькі адзіны народ - непераможны, падкрэсліў Аляксандр Лукашэнка.
