Адаптавацца да кантрастаў надвор’я і за сціснутыя тэрміны правесці комплекс вясенніх палявых работ. Плошча яравой сяўбы ў Мінскай вобласці складзе больш чым паўмільёна гектараў: гэта збожжавыя і зернебабовыя культуры, кукуруза, грэчка, рапс.
Паўднёвыя раёны першымі пачалі пасяўную, аднак зараз на многіх участках глебы назіраецца празмернасць вільгаці. У асноўным аграрыі працуюць над унясеннем арганікі. Таксама завяршаецца падрыхтоўка корманарыхтоўчай тэхнікі. Адсеяць групу ранняй ярыны гаспадаркі цэнтральнага рэгіёна плануюць да 20 красавіка.
Пад асаблівым кантролем спецыялістаў зараз і стан азімых культур: іх каля 350 тысяч гектараў. Аграрыі завяршаюць падкормку зялёных усходаў: апрацавалі ўжо больш за 70 працэнтаў.
