У Беларусі зацвердзілі новыя тарыфы на камунальныя паслугі. Указ падпісаў Прэзідэнт. У сярэднім жыроўка падаражае на 5 долараў. За аснову ўзятая тыпавая двухпакаёвая кватэра з трыма жыхарамі. Г. з. для больш прасторнай альбо меншай плошчы сумы ў паведамленнях будуць большымі альбо сціплымі. Мяркуецца, што новыя тарыфы дазволяць давесці ўзровень пакрыцця насельніцтвам выдаткаў на ЖКП у сярэднім да 70%. А па большасці паслуг - з улікам паніжэння іх сабекошту - плануецца выйсці на стопрацэнтнае пакрыццё. У той жа час ва ўмовах росту тарыфаў узмоцняць дзяржпадтрымку насельніцтва. Чакаецца, што пералік атрымальнікаў адрасных субсідый на аплату камунальных паслуг будзе перагледжаны.
Алена Дудзінская, афіцыйны прадстаўнік Міністэрства жыллёва-камунальнай гаспадаркі Беларусі: "Зараз па выяўленчым прынцыпе ў нас субсідыі даюцца пенсіянерам, якія пражываюць асобна ад працаздольных членаў сям'і, і інвалідам. Г. з. паўналетнім непрацаздольным грамадзянам, якія атрымліваюць пенсію па інваліднасці. Зараз сістэма сама іх знаходзіць, вызначае і даюцца субсідыі. У далейшым мяркуецца пашырыць гэты пералік па выяўленчым прынцыпе".
Сёння ў Беларусі дзейнічае адзіны прынцып атрымання субсідый - на іх могуць разлічваць сем'і, якія плацяць за ЖКП больш за 20% ад свайго даходу ў горадзе і 15% на сяле. У распрацоўцы новыя катэгорыі атрымальнікаў. Мяркуецца, што імі могуць стаць бацькі, якія даглядаюць малога ва ўзросце да 3 гадоў або дзіця-інваліда да 18 гадоў. А таксама грамадзяне, якія прыглядаюць за інвалідамі 1-й групы або пажылымі людзьмі, старэйшымі за 80 гадоў.
