Для краіны, якая з'яўляецца адным з найважнейшых вузлавых пунктаў "Эканамічнага пояса Шаўковага шляху" і размешчана на скрыжаванні міжнародных транзітных магістраляў, транспарт і лагістыка - генеральныя кірункі развіцця эканомікі.
У Беларусі праходзіць Транспартны тыдзень. Цэнтральным месцам прыцягнення для экспертаў і прафесіяналаў традыцыйна застаецца выстава. У рамках экспазіцыі прадэманстраваны вынікі працы транспартнай галіны за год, а таксама айчынныя і замежныя навінкі транспартна-лагістычнай сферы. Сярод пытанняў сённяшняга парадку дня - бяспечная эксплуатацыя транспарту і арганізацыя пасажырскіх і грузаперавозак, стварэнне аптымальных умоў для буйных транспартных і інфраструктурных праектаў, атрыманне выйгрышнага месца ў глабальнай сусветнай канкурэнцыі і інвестыцыйная прывабнасць транспартнай галіны. Асаблівая ўвага перспектыўным транспартным маршрутам.
Аляксандр Янчэўскі, першы намеснік гендырэктара РТУП "Белінтэртранс": "Кітайскі кірунак для нас прыярытэтны, зыходзячы з аб'ёмаў перавозкі летась. Мы плануем, што гэты год будзе не менш эфектыўным. Павялічваецца на 20-30 % з адпаведным прытокам у краіну валюты".
Згодна з паведамленнем Міністэрства транспарту і камунікацый, да Еўрапейскіх гульняў, якія пройдуць у Беларусі ў 2019 годзе, плануецца завяршыць рэалізацыю некалькіх буйных інфраструктурных праектаў. У цэлым Беларускі транспартны тыдзень праходзіць пад знакам сучасных рашэнняў у сферы транспарту і лагістыкі. У мерапрыемствах тэматычнага форуму прымаюць удзел амаль 80 арганізацый з 9 краін.
