Харчовая бяспека, развіццё аграпрамысловага комплексу, якасць і адкрытасць рынкаў для прасоўвання беларускіх прадуктаў харчавання на тэрыторыю Еўрасаюза і транзіт праз яе. Наконт гэтага сёння гаварылі на сустрэчы ва ўрадзе віцэ-прэм'ер Міхаіл Русы і еўракамісар Віцяніс Андрукайціс, які курыруе гэтыя пытанні.
Беларусь зацікаўлена паскорыць сертыфікацыю птушкафабарык, каб пастаўляць мяса птушкі ў ЕС. Інспектары з Еўропы ўжо былі на пяці нашых прадпрыемствах, што прэтэндуюць на атрыманне дазволаў. Акрамя таго, мы разлічваем і на пашырэнне пераліку прадукцыі па ўвозе ў ЕС, што павялічыць узаемны экспарт і тавараабарот.
Міхаіл Русы, намеснік прэм'ер-міністра Беларусі:
"Шэраг пытанняў у нас застаецца нявырашаным. Я лічу, што сённяшняя сустрэча дазволіць дасягнуць канкрэтныя вынікі і забяспечыць рост экспарту ў абодвух напрамках: беларускіх тавараў і еўрапейскіх тавараў, рост узаемнага тавараабароту, што вельмі істотна паўплывае на нашы адносіны".
Еўракамісар падкрэсліў далейшую гатоўнасць супрацоўнічаць з беларускімі ўладамі і абменьвацца інфармацыяй па пытаннях ветэрынарнага нагляду, кантролю і дыягностыкі захворвання.
