Спрасціць абыходжанне з адходамі

Міністэрства прыроды ідзе на ўступкі арганізацыям у пытаннях абыходжання з адходамі. Спецыялісты ў галіне аховы навакольнага асяроддзя хочуць спрасціць справаздачную дакументацыю, а некаторыя пункты і зусім пойдуць у смеццевы кошык.

Што зменіцца ў адносінах рэвізор - выканаўца і каго канкрэтна закрануць змяненні, ведае Руслан Туркоў.

Сартаваць смецце, не ўстаючы з рабочага месца, прадугледжана правіламі, але працэдура гэтая не абавязковая, - гавораць у Міністэрстве прыроды. Галоўнае, каб на выхадзе з прадпрыемства ўсё, што пайшло ва ўтыль, было адсартаванае. Як паказала практыка, лішнія дакументы толькі пагаршаюць адносіны паміж рэвізорам з аховы навакольнага асяроддзя і вытворцам таго самага смецця.

Для арганізацый, у якіх за год ўтвараецца менш за 50 тон камунальных адходаў вытворчасці, неабходнасць у штодзённым уліку смецця адпадзе, але за месяц даць справаздачу ўсе-такі давядзецца. Патрабаванні ў рэвізораў высокія, а неабходны для справаздачы пакет дакументаў складуць не ўсе - спецыяліст па адходах на вагу золата. Сёння існуюць нават асобныя фірмы, якія дапамогуць вам разабрацца з вашым смеццем.

Па змесціва розных кантэйнераў часцей за ўсё прыязджае адна спецмашына. Такую карціну можна ўбачыць практычна ў кожным двары, прычым гэта тычыцца не толькі бытавых адходаў, але і вытворчых.

Прапановы па спрашчэнні дзеючага заканадаўства ў Міністэрстве прыродных рэсурсаў ужо падрыхтавалі.

Гаварыць аб недасканаласці закона было б няправільна, бо, як нам удалося даведацца, нават спецыялісты суседняй Расіі пры падрыхтоўцы свайго дакумента ўважліва вывучалі менавіта наш вопыт.