Гэтая задача стаіць перад Беларуссю і Грузіяй. Краіна з'яўляецца адным з найважнейшых нашых партнёраў на Каўказе. Сёння наконт гэтага гаварыў прэм'ер-міністр Беларусі Андрэй Кабякоў на сустрэчы з першым віцэ-прэм'ерам Грузіі Дзмітрыем Кумсішвілі.
Па словах кіраўніка ўрада, у бакоў шырокі спектр узаемадзеяння: прамысловасць, сельская гаспадарка, нафтахімія, фармацэўтыка, гуманітарнае супрацоўніцтва.
Андрэй Кабякоў, Прэм'ер-міністр Беларусі: "Мы паказалі нядрэнную дынаміку па росце ўзаемнага тавараабароту. Сёлета будзе, я так разумею, больш чым сто мільёнаў. Задачу 200 мільёнаў нам дзяржавы паставілі. Мы пакуль у сярэдзіне шляху. Але дынаміку добрую абазначалі”.
Беларусь можа дапамагчы Грузіі і ў мадэрнізацыі сістэмы ЖКГ. Ужо створана беларуска-грузінская вытворчасць ліфтавага абсталявання. Андрэй Кабякоў таксама адзначыў зацікаўленасць грузінскага боку ў набыцці беларускай выратавальнай тэхнікі.