Такім чынам, краіны выйшлі на ўзровень усебаковага стратэгічнага партнёрства. Гэты дагавор заключаецца не толькі ў дзясятках кантрактаў, падпісаных пасля ліпеньскага візіту Прэзідэнта Беларусі ў Кітай, але і ў доўгатэрміновых перспектывах, рэалізоўваць якія неабходна ўжо зараз. У Беларусі і Кітаі сёння актыўна працуюць сумесныя прадпрыемствы, а сума кітайскіх інвестыцый у беларускую эканоміку перавышае пяць мільярдаў долараў.
Ужо на наступным тыдні ў Кітаі пройдуць афіцыйныя перамовы прэм'ер-міністра Беларусі Міхаіла Мясніковіча. У праграме візіту дзелавыя сустрэчы з прадстаўнікамі найбуйнейшых кітайскіх карпарацый і наведванне сумесных вытворчасцяў. Магчыма, па выніках перамоў Кітай увойдзе ў тройку гандлёвых партнёраў Беларусі далёкага замежжа, падняўшыся з чацвёртага месца рэйтынгу.
