Каравай Мінскай вобласці важыць ужо амаль чатырыста тысяч тон. Тэмпы ўборачнай кампаніі паскараюцца. Усяго на палях цэнтральнага рэгіёна задзейнічаны дзве тысячы камбайнаў. Аграрыі ўбіраюць таксама рапс і лён. Найбольшы ўклад у агульны каравай пакуль на поўдні цэнтральнага рэгіёна. Такім чынам, сярод дваццаці двух раёнаў самы вялікі ўраджай у Нясвіжскім раёне – пяцьдзясят дзве з паловай тысячы тон. Не нашмат адстаюць хлебаробы Слуцкага: у іх засеках амаль сорак тры тысячы. Далей ідзе Капыльскі раён. Тут аграрыі намалацілі 35 000 тон збожжа.
Што да ўраджайнасці, то тут лідзіруе таксама Нясвіж, дзе збіраюць шэсцьдзясят адзін цэнтнер з гектара. У тройцы лідараў Клецкі раён - тут сорак дзевяць цэнтнераў з гектара - і Дзяржынскі - сорак шэсць.