Адбылася сустрэча працаўнікоў "Нафтана" з кіраўніцтвам горада і прадпрыемства

Аб чарговай падставе хайпануць на фэйках. Так, сёння ў асобных тэлеграм-каналах з'явілася інфармацыя, што супрацоўнікі "Нафтана" спынілі працаваць. Вось толькі пад так званай забастоўкай насамрэч была сустрэча працаўнікоў з кіраўніцтвам горада і прадпрыемства. Людзі сапраўды папрасілі выказацца і былі пачутыя ўладамі.

Спачатку ўсе сабраліся ў адной з актавых залаў, але пасля таго, як стала зразумела, што месца ўсім не хопіць - супрацоўнікі перамясціліся да заводакіраўніцтва прадпрыемства. Прычым, падчас абедзеннага перапынку. Ну, а пасля сустрэчы ўсе разышліся па сваіх рабочых месцах. І зараз прадпрыемства функцыянуе ў штатным рэжыме. Што ж датычыцца загружанасці, то "Нафтан", сапраўды, працуе не на поўную магутнасць. І на гэта ёсць аб'ектыўныя прычыны.

Дзяніс Абрамовіч, дыспетчар вытворчага аддзела ААТ "Нафтан": "На дадзены момант з рамонтам газаправода "Нафтан" знаходзіцца на максімальна паніжанай загрузцы. Але ўсе ўстаноўкі, якія з гэтым звязаны, працуюць у нармальным тэхналагічным рэжыме. - інфармацыя ў Інтэрнэце з'явілася, што "Нафтан" спыніў працу, як можаце адказаць на гэтае пытанне? - пакуль "Нафтан" не спыніў працу. Ён працуе. Усё знаходзіцца пад кантролем дыспетчарскай службы".

Віталь Данішэўскі, начальнік устаноўкі АТ-8 ААТ "Нафтан": "Аб'ём перапрацоўкі нафты ў дадзены момант складае 500 тон за гадзіну. Рыхтуемся прымаць амерыканскую нафту. Гэта нафта гатунку іглвайт. Гатовы перапрацоўваць і гэтую нафту. Адпаведна жадаем дыверсіфікаваць аб'ёмы перапрацоўкі нафты і ў цэлым дапамагчы прадпрыемству. Дапамагчы краіне. - З'явілася інфармацыя ў інтэрнэце, што "Нафтан" спыніў працу, што можаце адказаць? - На дадзены момант частка магутнасцяў першаснай перапрацоўкі нафты спыненыя на бягучы рамонт. Бягучыя рамонты плануюцца загадзя за год і ў дадзены момант на працягу 30-40 дзён будзе выкананы рамонт і аб'ёмы перапрацоўкі павялічацца плюс новыя магутнасці".

Таццяна Паддубовік, старшы аператар участка № 4 таварна-сыравіннага цэха № 8 ААТ "Нафтан": "Сёння ў нас праца праходзіць у звычайным рэжыме. Злілі на 59 пуці 60 вагонаў нафты і налілі 30 вагонаў газойля - у інтэрнэце з'явілася інфармацыя, што "Нафтан" спыніў сваю працу. Што вы скажаце наконт гэтага? - Не, людзі спакойна працуюць у звычайным рэжыме".