На сёння ўсяго намалочана больш за 2 млн тон збожжа. Найбольшы ўклад у агульны каравай традыцыйна на поўдні цэнтральнага рэгіёна.
Сярод 22 раёнаў самы вялікі ўраджай у Нясвіжскім раёне - 162,7 тысячы тон. Амаль да такога ж ўзроўню набліжаюцца хлебаробы Слуцкага - у іх засеках 160 тысяч. Далей ідзе Капыльскі раён. Тут аграрыі ўжо намалацілі 148,5 тысяч тон збожжа.
Што да ўраджайнасці, то тут па-ранейшаму лідзіруе Нясвіж, дзе збіраюць 72,7 цэнтнера з гектара. У тройцы лідараў таксама Дзяржынскі - тут 58 цэнтнераў з гектара і Клецкі раён - 57,7. Агульны паказчык ураджайнасці па вобласці - амаль 40,8 цэнтнера.