Прафесійнае журы, у саставе якога маркетолагі, бізнесмены і навукоўцы, выбрала лепшыя кампаніі 2015 года. Яны не толькі прыбыткова працавалі, але і здолелі зрабіць сваю гандлёвую марку сапраўдным брэндам, вядомым як у краіне, так і за яе межамі. Аб тых, чые імёны на слыху, - з урачыстасці наш карэспандэнт Святлана Лук'янюк.
У гэтай зале сёння сабраліся людзі справы. Вялікая цікавасць у маркетолагаў, бізнесменаў, кіраўнікоў кампаній растлумачваецца. "Брэнд года" - гэта прафесійны конкурс у Беларусі ў сферы маркетынгу і брэндзінгу. Галоўная задача не проста раздаць званні і медалі, а ацаніць рынак з пункта погляду прадаўца і пакупніка.
Брэнд гэта не проста гандлёвая марка, гэта цэлы набор прыкмет і знакаў адрознення адной кампаніі ад астатніх, яны робяць яе лёгка вядомай сярод спажыўцоў. Сіла раскручанага брэнда ў тым, што людзі пры аднолькавых якасцях тавара выбяруць знакамітую марку.
Конкурсу "Брэнд года" 15 гадоў. Тут тыя, хто імкнуцца стварыць новы брэнд альбо вывесці свой на больш высокі ўзровень. Гэта ўнікальная магчымасць пазнаёміцца з вопытам стварэння і папулярызацыі вядучых марак, а таксама ўбачыць, што сёння ахвотна купляюць беларусы і што ідзе на ўра за мяжой.
Ці ўмеем мы прадаваць? Аб гэтым удзельнікі гаварылі напярэдадні на маркетынгавай канферэнцыі. Бо, тое, што сустракаюць па адзежцы, у тым ліку і ў гандлі, ні для каго не сакрэт. І сёння кампаніі, якія жадаюць працаваць доўга і паспяхова, усё больш увагі надаюць брэндзіраванню.
Традыцыйна высокую планку на беларускім рынку і за яго межамі трымае наша харчовая прамысловасць. Лідар тут - беларуская малочка. Сёння прадпрыемствы гэтага профіля адзначаныя "Брэндам года". Адразу некалькі ўзнагарод атрымаў малочны холдынг "Бабушкина крынка". У намінацыях "За актыўную сацыяльную пазіцыю" - залаты медаль і сярэбраны - "За сацыяльна адказны брэнд".
Дырэктар гэтага холдынгу гаворыць: "Не можа быць эканомікі без клопату аб людзях. У родным Магілёве "Бабушкина крынка" заўсёды ў ліку арганізатараў масавых святаў пад сваім брэндам. Напрыклад, апошніх навагодніх.
Кампанія вельмі шмат робіць і для сваіх працаўнікоў у арганізацыі вольнага часу і для пакупнікоў, прапаноўваючы ім якасны прадукт з натуральнай сыравіны. А лепшае пацвярджэнне запатрабаванасці і пазнавальнасці брэнда - аб'ёмы продажаў. Менавіта імі мерае свой поспех на рынку і кожны вытворца.
