Прэзідэнту далажылі аб ходзе ўзвядзення маштабнага комплексу заводаў пад Рудзенскам

Беларусь разлічвае ў тэрмін завяршыць будаўніцтва нацыянальнай біятэхналагічнай карпарацыі - праект выведзе на новы ўзровень беларускі АПК. Сёння Прэзідэнту далажылі аб ходзе ўзвядзення маштабнага комплексу заводаў пад Рудзенскам. Аляксандр Лукашэнка адзначыў яго значнасць - біякарпацыя ўвасабляе інавацыйны падыход да сельскай гаспадаркі. Сёння гэта адзін з найбуйнейшых інвестпраектаў краіны. Ён аб'яднае больш за дзясятак прадпрыемстваў у адзін тэхналагічны ланцужок, завязаны на перапрацоўку збожжа. У аснове - тэхналогія заўтрашняга дня, прапанаваная кітайскімі партнёрамі. Яна дазволіць атрымліваць на беларускай сыравіне збалансаваныя кармы для жывёлагадоўлі. І тым самым павысіць канкурэнтаздольнасць беларускай прадукцыі. Сёння яна ўжо прыносіць краіне больш як 5 мільярдаў долараў экспартнага прыбытку.

Праект працяглы. Яго плануюць завяршыць у 2032 годзе. Але першую чаргу разлічваюць здаць ужо ў будучым годзе. Яна прадугледжвае запуск вытворчасці і атрыманне першай прадукцыі. Гэта дазволіць цалкам закрыць патрэбнасці ў якасных кармах і дабаўках унутранага рынку, а таксама адпраўляць вялікую долю прадукцыі на экспарт. Аналагаў гэтаму праекту на постсавецкай прасторы сёння няма.