Якасць сыравіны, варыянты мадэрнізацыі і інспекцыя не па маршруце. Кіраўнік дзяржавы сёння наведаў Мінскую гарбарную вытворчасць. Падчас візіту Аляксандр Лукашэнка азнаёміўся з тэхналагічным працэсам, узорамі прадукцыі і гатовымі вырабамі. Прычым, як гэта часта бывае, адхіліўся ад прапанаванага на месцы маршруту і абышоў усе цэхі. Пытанняў нямала: як змянілася праца пасля мадэрнізацыі? Што зроблена пасля папярэдняга наведвання?
Аператыўная нарада аб перспектывах гарбарнай галіны
Усё гэта абмяркоўвалі на аператыўнай нарадзе. Аляксандр Лукашэнка адзначыў, што гарбарная вытворчасць і жывёлагадоўчая галіна ў цэлым - найважнейшыя напрамкі эканомікі, і загубіць гэта нельга. Задача нумар адзін - выкарыстоўваць сваю сыравіну. Высокі імпарт - адна з праблем галіны. Тым жа айчынным вытворцам абутку не падабаецца беларуская скура. Усяго ў краіне каля 80 прадпрыемстваў, якія выкарыстоўваюць гэтую сыравіну ў сваёй вытворчасці. Некалькі гадоў таму на заводзе ў Гатаве правялі маштабную мадэрнізацыю, але мэты, на якія было арыентавана прадпрыемства, дасягнуты не былі. Урад выступіў з прапановай прыватызаваць завод, каб такім чынам вырашыць праблемы. Аднак Кіраўнік дзяржавы катэгарычна супраць гэтага рашэння.
Прэзідэнт пагутарыў з працоўным калектывам
Ужо ў размове з супрацоўнікамі прадпрыемства Кіраўнік дзяржавы расказаў, што даручыў сфарміраваць своеасаблівую асацыяцыю. У яе ўвойдуць мясакамбінаты - пастаўшчыкі сыравіны, перапрацоўшчыкі і прадпрыемствы - спажыўцы скуры. Вытворцы скураных вырабаў павінны сарыентаваць завод на выпуск прадукцыі, у якой яны маюць патрэбу і якая б іх задавальняла па ўсіх параметрах, каб у выніку перайсці на спажыванне айчыннай сыравіны. Прымаць тыя ці іншыя меры па абароне ўласнага рынку будуць акуратна, каб не нашкодзіць партнёрскім адносінам з іншымі дзяржавамі. Завадчане таксама спыталіся Аляксандра Лукашэнку, не ці плануе наша краіна падтрымаць трэнд некаторых еўрапейскіх краін на карысць штучных матэрыялаў. Але Беларусь не адмовіцца ад вытворчасці вырабаў з натуральнай скуры. Абмеркавалі і пытанні пенсійнага забеспячэння. Новых рашэнняў у гэтым плане ў краіне не прадбачыцца. Закранулі вакцынацыю і тэму гістарычнай памяці. Па выніках паездкі прыняты канкрэтныя рашэнні.
