Прагнозы на ўраджай, замяшчэнне імпарту і стратэгія для асобных рэгіёнаў. Прэзідэнт сёння з рабочай паездкай у Камянецкім раёне.
У фокусе ўвагі - уборачная кампанія. Кіраўніку дзяржавы падрабязна далажылі пра асаблівасці гэтага года і, вядома, перспектывы ў цэлым па краіне. Упор на тэхналогіі і карэкціроўку работ пад унікальнасць кожнага рэгіёна. Аляксандр Лукашэнка патрабуе "ўзнімаць" па ўборцы Віцебскую вобласць. Размова пра тое, каб з улікам кліматычных асаблівасцей высяваць там больш ранніх культур.
І яшчэ даручэнне Прэзідэнта - не расслабляцца пасля ўборкі хлеба, бо наперадзе яшчэ вялізны шлейф сельгасработ, якія трэба паспець зрабіць у аптымальныя тэрміны.
"Белавежскі": структура пасяўных плошчаў, праца далучаных гаспадарак. Аляксандр Лукашэнка на канкрэтных прыкладах азнаёміўся з апрацоўкай розных сельскагаспадарчых культур. Глабальнае даручэнне - замяшчэнне імпартных сартоў айчыннымі. На гэтым пытанні Прэзідэнт акцэнтаваў увагу пры аглядзе рапсавага поля. Традыцыйна падарунак Прэзідэнту - каравай ад Брэсцкай вобласці. Першы ў гэтым сезоне.
Прэзідэнт Беларусі наведаў малочна-таварны комплекс
Аляксандр Лукашэнка наведаў рабатызаваны малочна-таварны комплекс. Тут грунтоўная размова пра тэхналогіі ўтрымання буйной рагатай жывёлы. Пра гэта, нагадаем, ішла размова падчас нядаўніх рабочых паездак і селектарнай нарады. Раней Прэзідэнт даручаў вызначыць аптымальны варыянт пры будаўніцтве новых МТК і рэканструкцыі старых ферм.
Па традыцыі кіраўнік дзяржавы пагутарыў з мясцовымі жыхарамі. Пытанні ў людзей самыя розныя - ад сельскай гаспадаркі да міжнароднага становішча.
Таксама жыхары Белавежскага пыталі пра адносіны з суседзямі, ядзерную зброю, ПВК "Вагнер" у Беларусі.
