Прэмію ўрада за дасягненні ў галіне якасці ў 2016 годзе атрымалі 10 прадпрыемстваў. Павіншаваў пераможцаў на ўрачыстай цырымоніі прэм'ер-міністр Беларусі. Андрэй Кабякоў нагадаў, што 2016 год быў годам падвядзення вынікаў пяцігадовай Праграмы сацыяльна-эканамічнага развіцця краіны і годам старту новай пяцігодкі. У сувязі з гэтым арганізацыям важна было не толькі аб'ектыўна ацаніць свае дасягненні і прааналізаваць памылкі, але і дакладна вызначыць і распрацаваць стратэгію далейшага развіцця.
Андрэй Кабякоў, Прэм'ер-міністр Беларусі: "Цяперашнія пераможцы конкурсу абнаўляюць абсталяванне і ўкараняюць сучасныя тэхналогіі. У выніку высокі ўзровень прадукцыі і яе запатрабаванасць на сусветных рынках. Павышэнне якасці айчынных тавараў таксама дае магчымасць замяшчаць на ўнутраным рынку імпартуемыя тавары раўнацэннымі беларускімі".
За 18 гадоў існавання прэміі яе лаўрэатамі сталі 213 арганізацый, гэта з улікам цяперашняга конкурсу. Прычым некаторыя з іх - неаднаразова. Пацвердзілі званне лаўрэата сёлета 16 арганізацый. Трэба адзначыць, што ўдзел у конкурсе прымаюць кампаніі рознай формы ўласнасці.
