Як беларуская эканоміка спрацавала сёлета і чаго чакаць ад 2021-га? Сёння гэта галоўныя тэмы ў Палацы Незалежнасці. Аляксандр Лукашэнка і члены ўрада абмеркавалі паказчыкі эканамічнага сектара. Так, 2020 год і пандэмія прыкметна ўдарылі па шматлікіх галінах, аднак адсутнасць татальнага каранціну і акуратныя меры дзяржавы дазволілі абысціся без правалаў. З галоўных дасягненняў - захавалі фінансавую стабільнасць у банкаўскай сферы і на валютным рынку.
У цэлым урад мае намер прытрымвацца планаў папярэдняй пяцігодкі - гэта рост прыбыткаў насельніцтва, павелічэнне ўнутранага попыту і ўмацаванне знешняга гандлю. Важны артыкул прагнозных дакументаў: стрымліванне цэн на сацыяльна-значныя тавары і запатрабаванасць спецыялістаў на рынку працы. Пытанні працаўладкавання беларусаў Аляксандр Лукашэнка закрануў асобна.
Беларуская эканоміка шмат у чым арыентаваная на экспарт. І ўрад мае намер падтрымаць не толькі буйныя прадпрыемствы, але і больш дробныя. Зараз, каб атрымаць экспартнае крэдытаванне, трэба мець кантракт мінімум на дзвесце тысяч долараў. У далейшым гэтыя рамкі пасунуць. Пра гэта пасля нарады журналістам распавёў прэм'ер-міністр Раман Галоўчанка.
Яшчэ адна важная тэма нарады - пераразмеркаванне паўнамоцтваў. Як адзначыў Аляксандр Лукашэнка, урад гатовы пайсці на такія меры, аднак гэта не проста больш рычагоў уплыву на месцах, у першую чаргу, - гэта адказнасць.
