Мінскія трактары паплывуць праз акіян. Пастаўкі тэхнікі МТЗ ужо чакаюць у Амерыцы і Канадзе. Амаль тры дзясяткі заакіянскіх фермераў і дылераў гаспадарчай тэхнікі сёння наведалі цэхі Мінскага трактарнага завода. Пры гэтым многія з прамысловых бізнес-турыстаў ужо знаёмыя з беларускімі стальнымі асілкамі. Адзін з фермераў - Дэйв МакГенры - знайшоў трактар “Беларус” 80-х гадоў выпуску ў канадскім полі і аднавіў яго за некалькі гадоў.
Прамысловы тур працягнецца і заўтра - заакіянскія фермеры пратэсціруюць сучасную мадэль трактара ў палявых умовах на спецыяльным палігоне.
