Па выніках перамоў дэлегацыі ўрада Беларусі ў Башкартастане падпісаны шэраг новых кантрактаў.
Так, МАЗ дамовіўся з Уралмашам аб пастаўках 90 машын і яшчэ 260 машынакамплектаў для зборкі тралейбусаў. Акрамя таго, у прапрацоўцы новыя сумесныя праекты. Пра гэта было заяўлена напярэдадні на сустрэчы нашага прэм'ер-міністра з кіраўніком рэспублікі. Дамовіліся да снежня падаць прапановы па сумесным развіцці: куды будзем інвеставаць, якія прадпрыемствы ствараць. Таксама абмяркоўваецца павелічэнне колькасці авіярэйсаў з Уфы ў Мінск і зваротна да двух на тыдзень.
З Башкартастана дэлегацыя ўрада Беларусі на чале з прэм'ер-міністрам сёння з візітам накіравалася ў Чалябінск. У праграме перамовы з губернатарам, наведванне прадпрыемстваў і бізнес-форум.
