Беларускі бок атрымаў адпаведную тэлефанаграму ад кампаніі PERN - гэта аператар польскага ўчастка нафтаправода. У ёй гаворыцца, што НПЗ у Польшчы і Германіі не могуць прымаць і перапрацоўваць нафту з такімі паказчыкамі, з якімі яна зараз прыходзіць у пункт прыёмкі паставак "Адамава". Такім чынам, транспарціроўка там спыненая на нявызначаны тэрмін. У адпаведнасці з гэтым "Гомельтранснафта Дружба" накіравала тэлефанаграму ў Бранск аб прыпыненні транзіту па заходнім кірунку. У той жа час захоўваецца пастаўка нафты па другой лініі ў аб'ёмах, неабходных для транзіту ў кірунку Украіны, гэта каля 40 тысяч тон за суткі.
Як адзначыў польскі аператар, працяг транзіту сыравіны з павышаным утрыманнем хларыдаў стварае рызыку сур'ёзнай прамысловай аварыі як для НПЗ, так і для лагістычнай сістэмы. Нагадаем, "Белнафтахім" ужо на працягу тыдня б'е трывогу з-за паставак няякаснай нафты з Расіі і цярпліва вядзе перамовы з "Транснафтай" і настойвае на хутчэйшым рашэнні пытання. Аднак Масква зацягвае рашэнне гэтага пытання.
Польшча спыніла транзіт нафты па нафтаправодзе "Дружба"
25 апреля 2019