Акумулятары для аўтамабіляў і трактароў будуць вырабляць пад Брэстам. У свабоднай эканамічнай зоне пабудаваны першы ў краіне акумулятарны завод з поўным цыклам вытворчасці. Ужо завяршаюцца мантажныя работы, усталявана абсталяванне. Прычым лініі ад розных пастаўшчыкоў. Гэта Кітай, Італія, Германія, Паўднёвая Карэя і Данія. Поўная магутнасць завода - да 2 мільёнаў батарэй за год. Першую чаргу плануюць запусціць у найбліжэйшы час. Завод з моманту ўзвядзення пад пільнай увагай эколагаў. На прадпрыемстве пераконваюць: вытворчы працэс складаны, але бяспечны.
Сяргей Дубнавіцкі, галоўны інжынер акумулятарнага завода: "Мы ўсталявалі газаачышчальныя ўстаноўкі. На дадзены момант, лічу, гэта самыя сучасныя. Двухступенчатая, трохступенчатая сістэма ачысткі па паветры. Вада ў нас, якая ўтворыцца, што дакраналася да свінца, не трапляе за тэрыторыю прадпрыемства. Мы з гэтай вады вырабляем дэмінералізаваную ваду, якая ўдзельнічае ў вытворчасці электралітаў, у сістэмах ахаладжэння будзе скарыстаная”.
Марына Краўчук, вядучы інжынер па ахове навакольнага асяроддзя акумулятарнага завода: "Кантроль выкідаў забруджвальных рэчываў у атмасферу, паветра ад стацыянарных крыніц будзе праводзіцца з перыядычнасцю 2 разы на год. Зямлі і глебы, вывучэнне іх на ўтрыманне цяжкіх металаў - 1 раз на год. Параметры скідвання сцёкавых вод на прадпрыемстве - дадзенае вымярэнне будзе праводзіцца 1 раз за суткі".
На прадпрыемстве плануецца стварыць каля 200 рабочых месцаў. Навучанне супрацоўнікаў будзе арганізавана на лініях пад кіраўніцтвам спецыялістаў ад заводаў-вытворцаў абсталявання. У планах вытворцы - пастаўляць акумулятары не толькі на ўнутраны рынак, але і выйсці на супрацоўніцтва з вядомымі аўтаканцэрнамі.
