Амаль 100 кампаній з нашай краіны і каля 200 прадстаўнікоў бізнес-сектара Грузіі сабраліся ў Тбілісі. Падпісана амаль 30 кантрактаў і пагадненняў. У прыватнасці, МТЗ паставіць 50 трактаракамплектаў, а таксама адпрацуе тэхналогію на зборачнай вытворчасці ў Батумі. Кантракт на мільён долараў падпісаў Мінскі аўтамабільны завод. На тэрыторыі Грузіі разглядаюць магчымасць стварэння сумесных прадпрыемстваў па вытворчасці беларускай малочнай і мясной прадукцыі.
Сетка беларускіх прадуктаў харчавання ў Грузіі прадстаўлена дзевяццю магазінамі. Акрамя спецыялізаваных, нашы тавары ўжо праз два тыдні з'явяцца ў гіпермаркетах гэтай краіны. Запланаваны пастаўкі і беларускіх цукерак. А ў Мінску ўжо сёлета адкрыюць гандлёвы цэнтр, у якім будзе прадавацца выключна грузінская прадукцыя.
