Новыя інвестыцыйныя праекты з’яўляюцца ў аграпрамысловым комплексе Мінскай вобласці. Так, у Барысаве да канца года пачне працаваць самая сучасная ў краіне лінія па вытворчасці макаронных вырабаў. Зараз манціруюць абсталяванне. Праект рэалізуе Барысаўскі камбінат хлебапрадуктаў. Гэта дазволіць прадпрыемству стабільна выконваць заказы як для ўнутранага рынку, так і на экспарт. Дарэчы, барысаўскія макароны даспадобы як у Еўропе, так і азіяцкім рэгіёне. Усяго ж цэх камбіната выпускае звыш паўсотні відаў прадукцыі.
У структуры Барысаўскага камбіната хлебапрадуктаў больш за дзясятак прадпрыемстваў. КХП актыўна развівае і сферу жывёлагадоўлі. Так, па выніках гэтага года ў складзе холдынга будуць два новыя малочна-таварныя комплексы. У наступным годзе плануецца пабудаваць і новы свінакомплекс.
