Агульны рынак лекаў ЕАЭС запрацаваў з сённяшняга дня

У сілу ўступілі амаль тры дзясяткі рашэнняў савета Еўразійскай эканамічнай камісіі. Дакументы рэгулююць правілы рэгістрацыі, правядзення даследаванняў прэпаратаў, патрабаванні да інструкцыі і маркіроўкі. Так, зараз кампаніі могуць падаваць дакументы на рэгістрацыю па адзіных для ўсіх краін правілах Еўразійскага эканамічнага саюза і звяртацца ў нацыянальны рэгуляторны орган, у якога не будзе падстаў адмовіць у прыняцці дакументаў. Эксперты ўпэўненыя, адзіны фармацэўтычны рынак прывядзе да паніжэння кошту шэрагу лекаў.