Пасля ўборкі бульбы сельгасарганізацыі Мінскай вобласці адзначаюць: у гэтым сезоне немалая аддача ад гатункаў менавіта беларускай селекцыі. Ужо сабрана 310 000 тон клубняў, пры гэтым ураджайнасць вышэйшая за леташнюю. Як звычайная бульба ператвараецца ў прэзентабельны тавар, убачыў Аляксей Кандраценка.
Уборка, транспартаванне, сартаванне і падрыхтоўка да продажу! Аграрыі, якія спецыялізуюцца на вытворчасці бульбы, зараз працуюць амаль без перапынкаў. У гаспадарцы Ігара Пакуша кожны дзень нарыхтоўваюць сотні тон клубняў.
Значная частка другога хлеба адправіцца ў магазіны сталіцы, а таксама на экспарт. Аднак асобныя клубні затрымаюцца тут жа, у Маладзечанскім раёне, для прыгатавання дранікаў з астуджанай цёртай бульбы.
Такія дранікі, вядома, паўфабрыкат. Але пры гэтым у іх захоўваецца нацыянальны гастранамічны каларыт. Пра гэта паклапаціліся вытворцы.
Простая формула бізнесу, але складаная рэалізацыя. Па-першае, патрэбны гатунак - выбралі ўсё той жа "Брыз". Ён не змяняе колер, і ў яго добрая крухмалістасць. Па-другое, вызначылі тэхналогіі і рэцэптуру. На выбар спажыўцоў - 5 разнавіднасцяў.
Такім чынам, попыт на экспрэс-дранікі паказаў: рынак збыту ў гэтага прадпрыемства толькі нашай краінай не абмяжоўваецца.
Не выключана, што гэта будзе першая ў гісторыі маштабная прэзентацыя беларускіх дранікаў на Далёкім Усходзе і Кітаі. Але ўжо не толькі ў якасці смачнай стравы, але і нашага нацыянальнага брэнда.
