Нацбанк да канца года прыме стратэгію развіцця лічбавых банкаўскіх тэхналогій на наступныя пяць гадоў. Ключавой задачай рэгулятар лічыць забеспячэнне працаздольнасці аплатнай сістэмы Беларусі. Такая заява прагучала ў рамках міжнароднага форуму "БанкІТ". Адзначым, беларускія сістэмы дыстанцыйнага абслугоўвання кліентаў лічацца ўнікальнымі на постсавецкай прасторы. ІТ-супольнасць таксама чакае і прыняцця ўказу аб развіцці ў краіне лічбавых тэхналогій. Гэта дасць штуршок для ўкаранення сістэмы ідэнтыфікацыі карыстальнікаў і павысіць якасць дыстанцыйнага абслугоўвання кліентаў банкаў.
Аляксандр Сотнікаў, начальнік галоўнага ўпраўлення Нацбанка Беларусі: "Мы бачым рост безнаяўных плацяжоў, дасягнуты адчувальны паказчык - парадку 25% - безнаяўнасці ў рознічным тавараабароце. Я думаю, наступны год 2016, калі інэрцыйнасць гэтага рынку будзе пераадоленая, дадатна адрэагуе на ўсе гэтыя ініцыятывы, якія былі распачатыя дзяржорганамі ў 2014, 2013 гадах".
Форум "БанкІТ" праходзіць 12-ы раз і падоўжыцца яшчэ два дні. Дэталі мерапрыемства - сёння ў "Панараме".
