Тут таксама гучала тэма аграпрамысловага комплексу, гаварылі і пра сектар лёгкай прамысловасці. У прыватнасці, як адзначыў віцэ-прэм'ер Міхаіл Русы, больш цесныя кантакты могуць завязаць камвольныя прадпрыемствы. Сумесныя праекты Бранскаму рэгіёну можа прапанаваць і Аршанскі льнокамбінат. Па выніках сустрэчы падпісаны шэраг дакументаў, у тым ліку праграма развіцця супрацоўніцтва паміж Беларуссю і Бранскай вобласцю на найбліжэйшыя 3 гады. Бакі разлічваюць, што дакумент будзе спрыяць больш актыўнаму гандлю і кааперацыі.
Міхаіл Русы, намеснік прэм'ер-міністра Беларусі:
"Гутарка павінна ісці даволі жорстка па тых кірунках, якія мы з вамі вызначылі. І праграма развіцця супрацоўніцтва паміж Беларуссю і Бранскай вобласцю на 2017-19 гады канкрэтная. Яна была распрацавана спецыялістамі абодвух бакоў. Трэба хоць раз за квартал даволі сур'ёзна весці гутарку, а можа ўвесці і спагнанне за арганізацыю і выкананне".
Сёння пагадненні аб супрацоўніцтве прадстаўнікі Бранскага рэгіёна падпісалі таксама з Брэстам і Віцебскам.