Складана паспрачацца з тым, што эканамічная паспяховасць прадпрыемстваў - галоўная ўмова развіцця рэгіёнаў. Як раз гэтыя фінансавыя паказчыкі Віцебскай вобласці не ўстройваюць урад.
Прэм'ер-міністр Беларусі Міхаіл Мясніковіч, наведваючы рэгіён напярэдадні, адзначыў праблемныя пытанні па шэрагу арганізацый - так агульны доўг перад банкамі па крэдытах склаў 100 мільярдаў рублёў. У рэгіёне самыя нізкія тэмпы ўвядзення жылля па краіне, па выніках пяці месяцаў не выкананы дзве траціны асноўных паказчыкаў сацыяльна-эканамічнага развіцця. Сістэмнага разгляду патрабуе пытанне сельскай гаспадаркі, нізкі аб'ём прамых замежных інвестыцый, а сродкі рэгіянальнага інавацыйнага фонду распылены на праекты, якія не адпавядаюць новаму ўзроўню развіцця вытворчасці.
Прэм'ер-міністр звярнуў увагу ўсіх старшыняў аблвыканкамаў на рашэнне гэтых праблем у сябе ў рэгіёнах.
