Эканоміцы нашай краіны варта ісці па шляху развіцця біятэхналогій. Такую думку выказаў Старшыня Савета Рэспублікі Міхаіл Мясніковіч на адкрыцці навукова-даследчага цэнтра фармацэўтычнага прадпрыемства ў Бешанковічах. Саму вытворчасць прэпаратаў для лячэння анкалогіі і іншых сур'ёзных захворванняў запусцяць у наступным годзе. Інвестпраект рэалізуецца пры падтрымцы кампаній-партнёраў Беларусі, Індыі, Славакіі і Літвы.
Міхаіл Мясніковіч, Старшыня Савета Рэспублікі Нацыянальнага сходу Беларусі:
"Гэтае прадпрыемства даволі сур'ёзна інтэграванае з навукай. Будуць новыя магутнасці, з'явяцца новыя прэпараты. У першую чаргу - з лінейкі імпартазамяшчэння. Фармацэўтычная прамысловасць - гэта тое, што трэба для эканомікі. Матэрыялаёмістасць - невысокая, энергаёмістасць - невысокая. А вось дабаўленая вартасць - высокая за кошт інтэлектуальнага ўкладання".
Таксама Міхаіл Мясніковіч азнаёміўся з ходам мадэрнізацыі і рэканструкцыі Віцебскага мехкамбіната. Плануецца, што абноўлены комплекс ізноў запрацуе у 2017-м.
