Сёння прайшлі перамовы Прэзідэнта Беларусі з губернатарам Валагодскай вобласці. Гэта найбуйнейшы прамысловы цэнтр паўночна-заходняга рэгіёна Расіі.
Тавараабарот за мінулы год склаў амаль 680 млн долараў. Але зараз некаторае зніжэнне дынамікі. Прыярытэтная задача - збалансаваць гандаль. Важныя кірункі партнёрства - імпартазамяшчэнне і прамысловая кааперацыя. Беларусь гатовая да супрацоўніцтва абсалютна ва ўсіх сферах: у прамысловым будаўніцтве, пастаўках будматэрыялаў і ліфтавага абсталявання. Кіраўнік дзяржавы прапанаваў у кожным ключавым сектары вызначыць некалькі флагманскіх праектаў, уключаючы жывёлагадоўлю, перапрацоўку сельгаспрадукцыі. Урады павінны будуць раз за паўгоддзе аб выніках сумеснай працы інфармаваць.
75 % тэрыторыі Валагодскай вобласці - лясы. Тут размешчаны самы буйны ў краіне лесапрамысловы комплекс. Ён займае 2-е месца ў Расіі па нарыхтоўцы драўніны і адно з вядучых месцаў па перапрацоўцы. Для вобласці заўсёды актуальнае пытанне лесанарыхтоўчай тэхнікі. Больш за тое, Аляксандр Лукашэнка прапанаваў рэгіёну стаць удзельнікам па выпрабаванні новых машын брэнда "Амкадор". Іх серыйны выпуск пачнецца на прадпрыемстве ў Карэліі. Гэта як раз адпавядае задачы не дубліраваць вытворчасці. Мы лакальна ў буйных рэгіёнах ствараем цэнтры кампетэнцый з вытворчасцю і пастаўляем неабходны прадукт на іншыя суб'екты Расіі.
