Уборачная кампанія, якая зацягнулася, для шасці раёнаў Гродзенскай вобласці можа прывесці да мільярдных страт. Кукурузныя палі, ураджай з якіх павінен быў забяспечыць сіласныя кармы для СВК на наступную зіму і вясну, амаль месяц стаяць некранутымі. Шматлікія гаспадаркі ўжо гавораць пра тое, што будуць вымушаны закупляць сілас у суседніх раёнах. У колькі абыдзецца няўбранае кукурузнае поле, падлічыў Дзмітрый Смірноў.
1218 гектараў. Такая плошча, адведзеная пад кукурузу, дагэтуль застаецца няўбранай у Гродзенскім рэгіёне. Першыя кастрычніцкія замаразкі пашкодзілі структуру кукурузы і як вынік - паніжэнне якасці кармоў.
Яўген Бакач, галоўны спецыяліст Камітэта дзяржкантролю Беларусі па Гродзенскай вобласці: Уборка кукурузы ў такія познія тэрміны зніжае яе якасць. Зніжаецца пажыўнасць кармоў. Таму 8% сіласу, які нарыхтоўваюць у вобласці, - трэцяга класа. Атрымліваецца, што ён не выкарыстоўваецца. Гаспадаркамі будуць выкарыстоўвацца няякасныя кармы.
З двух кормаўборачных камбайнаў у СВК Слава працы на хаду толькі адзін. Менавіта на гэтую прычыну ўборачнай, якая зацягнулася, спасылаецца кіраўніцтва прадпрыемства.
Гэтую кукурузу павінны былі ўбраць яшчэ ў пачатку кастрычніка - да першых замаразкаў. Але, як відаць, мясцовая ўборачная кампанія працягваецца. І такія прыпозненыя палі ёсць яшчэ ў шасці раёнах Гродзенскай вобласці.
Гэты ланцуг грашовых пытанняў пацягнуў за сабою ў кювет усю бухгалтэрыю СВК.
Рыгор Сіняк, намеснік старшыні СВК Слава працы: Вядома, дзвюх тысяч тон сіласу не хопіць. Прыйдзецца закупляць або будзем імкнуцца, каб сваімі кармамі. Будзем рэзаць салому, здрабняць. Дадаваць салому.
Мільярдныя страты пакуль яшчэ падаюцца няблізкай перспектывай. У гаспадарках іх адчуюць бліжэй да сакавіка наступнага года. Калі скончацца ўласныя запасы сіласу.
Яўген Бакач, галоўны спецыяліст Камітэта дзяржкантролю Беларусі па Гродзенскай вобласці: 15 000 тон - патрэбнасць у кармах гаспадаркі. Таму ёсць неабходнасць закупляць. Адпаведна, і выдаткі, якія яны маглі б не панесці, але панясуць.
1000 тон сіласу сёння каштуюць каля 300 мільёнаў рублёў. Увесну гэты сельскагаспадарчы індэкс паднімецца мінімум да 450 мільёнаў. Адкладваць грошы на корм гаспадаркі пачынаюць ужо зараз. Сотні мільёнаў, якія маглі быць укладзеныя ў развіццё, пойдуць на закуп.
